विश्वास! अात्मबल बढाउने अाैषधि हाे – कविता

४ मइ २०२०

शिर्षक : “विश्वास! अात्मबल बढाउने अाैषधि हाे”
– नमराज लामिछाने✍️ 


एउटा हल्ला फैलियो, अनायासै
सन्त्रास लिएर,
मानाै याे नै सृष्टिको विनासकारी
काल हाे, अनिकाल ल्याउने
हाहाकार हाे ।
मानव जीवनमा अन्याैल अायाे ।
अन्धकार भित्र निःशस्त्र,
निःशब्द भयाे, बनायो ।
मानाै विज्ञानका सबै पार्टपुर्जाहरू
सिथिल भएर विश्राम लिईरहेका छन् ।
हावाहरू वजनदार भएर
वहन छाेडीसकेका छन् ।
विभिन्न काल खण्डमा टुक्रिएका
तेराे र मेराे भएर सीमाना काेरिएका
धर्तीका क्षेत्रहरू फेरि एक पटक
एकै पटक हल्लिएकाे छ ।
स-संकित भएकाे छ ।
नगद, धन, सम्पति केवल
उपभाेगकाे साधनमा
सिमित रहे, निर्बल बने ।
थुकले पनि टिपेर राखेका,
अरुसँग लुटेर राखेका,
कतै श्रमले अार्जेका त कतै
उपहारमा वर्षिएका सबै
द्रव्यहरूलाई मानिसहरू
छुन, चलाउन छाडीसके ।
दूरी बढाउन लागिसके ।
काे अाफन्त, काे पराइ,
देखेर पनि, चिनेर पनि
नचिने झैँ, नदेखे झैँ,
मुख छाेपेर, लुक्दैछन् ।
लुकाउन बाध्य छन् ।
अाफ्नै घरकाे काेठा भित्र ।
मानाै बाहिर ठूलै द्वन्द भइरहेकाे छ,
सैनिकविनाकाे द्वन्द, शत्रुविनाकाे द्वन्द ।
हतियारविनाकाे द्वन्द,
प्रतिकारविनाकाे द्वन्द ।
एक्लै लड्दै छ उ, लडाउँदै छ,
भगाउदै छ अरुलाई ।
अदृश्य छ तर त्रासले सबै तिर सर्वत्र
भए जस्ताे, देखिए जस्ताे, छाेइए जस्ताे ।
कस्ताे, कस्ताे । सुक्ष्म नदिखिने तर
भयानक, भयाङ्कर जस्ताे ।
सबैले देखे जस्ताे ।
एउटा हल्ला फैलियाे, अनायसै
अत्मबलहरू घटाउने,
मनाेबलहरू दवाउने ।
प्राण वायु नै राेकेर जिन्दगी
राेकाउन खाेज्ने ।
सानाे अत्यन्तै सानाे,
तर ठूलाे भिमकायले तर्साए जस्तै
तर्साउने अहाे!
अन्ततः बुझ्दै जाँदा थाहा हुँदै जाँदाे रहेछ ।
पर्दै जाँदा भाेगिदै गइदाे रहेछ ।
अरे!
याे त निर्जीव जीवाणु पाे रहेछ,
एउटा काेभिड भाइरस भन्ने
काेराेना पाे रहेछ ।
सामान्य लिनु पर्छ ।
अब
साेच्नु छ त्याे केही पनि हैन ।
न अात्तालिदै भन्नू छ ।
अरे! तँ!
एउटा निर्जीव सुक्ष्म सेल हाेस्,
अाफू फक्रिनकाे लागि
दाेस्राे जीवित प्राणीको
सहारा लिने, लाक्षी, हुतिहारा
कीटाणु !
तर…
तर जित्नु छ एउटा महामारी ।
एउटा सभ्यताकाे सुरुवात गर्नुछ ।
मानवताले भरिएकाे मानव जीवन
फेरी विजयी भवः बन्नुछ ।
सचेत कायरता हैन सजगता हाे ।
अनुशासन निर्देशनकाे पालना हैन,
सभ्यताको चिनारी हाे ।
विश्वास, संस्कार हाे, अाश्था हाे,
जिन्दगी जिउने अाधार हाे ।
अात्मबल बढाउने अाैषधि हाे ।
इम्युनिटी पावर हाे ।
…..

(कवि नमराज लामिछाने अन्तराष्ट्रिय नेपाली साहित्य समाज साउदी च्याप्टर अध्यक्ष हुनुहुन्छ)

Leave a Reply